ЭЙСМАНТ Пётр Сцяпанавіч

[1880, в. Кусцічы Саколкаўскага пав. Гродзенскай губ., цяпер Падляшскае ваяв., Поль-
шча – ?]. З сялянскай сям’і. Атрымаў вышэйшую адукацыю. Працаваў настаўнікам СШ № 8 у Гродне. Падчас 2-й сусветнай вайны заставаўся на акупаванай тэрыторыі. Арыштаваны 7.2.1945. Асуджаны 5.6.1945 асобай нарадай пры НКВД за “ўдзел у антысавецкай нацыяналістычнай арганізацыі “АК” да 15 гадоў ППЛ (пазней тэрмін зніжаны да 10 гадоў). Далейшы лёс невядомы. Рэабілітаваны 28.10.1966 Вярхоўным Судом БССР. Групавая справа Э. i інш. № о-4489 захоўваецца ў архіве УКДБ Гродзенскай вобл.