ФУКС Абрам Беркавіч

[1914, Мінск Мазавецкі (Mińsk Mazovecki), Польшча (паводле інш. звестак мяст. Калушын, Польшча) – 15.10.1940, ГУЛАГ]. З сям’і купца. Атрымаў сярэднюю спецыяльную адукацыю. Працаваў настаўнікам яўрэйскай школы ў мяст. Ігналіна Свянцянскага пав., цяпер Літва. Арыштаваны 28.5.1940. Асуджаны асобай нарадай пры НКВД 26.8.1940 за “нелегальны пераход дзяржаўнай мяжы” да 3 гадоў ППЛ. Этапаваны ва Ухта-Іжэмскі лагер НКВД Комі АССР. Загінуў у зняволенні ад страты крыві. Рэабілітаваны Пракуратурай Беларусі 16.4.1992. Асабовая справа Ф. № 32645-с з фотаздымкам захоўваецца ў архіве КДБ Беларусі.