УМПІРОВІЧ Лявон Міхайлавіч

[1883, в. Азярава Новааляксандраўскага пав. Ковенскай губ., цяпер Браслаўскі р-н Віцебскай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам у роднай вёсцы. Быў жанаты, меў трое дзяцей. Арыштаваны 18.5.1948. Асуджаны 24.7.1948 пазасудовым органам МДБ за “неданясенне” да 10 гадоў ППЛ з канфіскацыяй маёмасці (тэрмін пакарання зніжаны да 7 гадоў ППЛ без канфіскацыі маёмасці). Далейшы лёс невядомы. Рэабілітаваны Вярхоўным Судом Беларусі 17.11.1992.

Разам з У. арыштавана і асуджана да 25 гадоў ППЛ яго дачка Умпіровіч Аляксандра (н. ў 1925). Далейшы лёс яе таксама невядомы.

Справа сям’і У. № 23221-п захоўваецца ў архіве УКДБ Віцебскай вобл.