ТАТУР Міхаіл Міхайлавіч

[1886, в. Старчыцы Слуцкага пав. Мінскай губ., цяпер Салігорскі р-н Мінскай вобл. – ?]. З дваранскай сям’і. Атрымаў сярэднюю адукацыю. Працаваў настаўнікам у в. Даманавічы Салігорскага р-на. Арыштаваны 28.7.1931. Асуджаны 7.2.1932 паводле пастановы калегіі АДПУ СССР за “антысавецкую дзейнасць” да 5 гадоў ППЛ. Далейшы лёс невядомы. Рэабілітаваны пракуратурай БВА 31.5.1989. Групавая справа Т. і інш. № 27941-с захоўваецца ў архіве КДБ Беларусі.