СУРМАЧ Павел Мікалаевіч

[1905, в. Бакуны Гродзенскага пав., цяпер Гродзенскі р-н – ?]. З сялянскай сям’і. Атрымаў сярэднюю адукацыю. Працаваў настаўнікам пачатковай школы в. Струбка Гродзенскага р-на. Быў жанаты, меў двое дзяцей. Падчас 2-й сусветнай вайны заставаўся на акупаванай тэрыторыі. Арыштаваны 12.7.1948. Асуджаны 4.9.1948 асобай нарадай пры МДБ за “здраду радзіме” да 25 гадоў ППЛ. Вызвалены 19.7.1955. Далейшы лёс невядомы. Рэабілітаваны 1.7.1955 трыбуналам БВА. Групавая справа С. і інш. № п-2337 захоўваецца ў архіве УКДБ Гродзенскай вобл.