НЕКРАШЭВІЧ Марцін Міхайлавіч

[1894, в. Плотніца Пінскага пав. Мінскай губ., цяпер Столінскі р-н Брэсцкай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам у роднай вёсцы. Арыштаваны 8.7.1940. Асуджаны асобай нарадай пры НКВД 25.11.1940 за “антысавецкую агітацыю” да 8 гадоў ППЛ. Этапаваны ў Іўдэльскі лагер НКВД Свярдлоўскай вобл. Вызвалены 28.8.1941 як польскі грамадзянін. Далейшы лёс невядомы. Рэабілітаваны пракуратурай Брэсцкай вобл. 30.6.1989. Групавая справа Н. і інш. № 9289-с з фотаздымкам захоўваецца ў архіве УКДБ Брэсцкай вобл.