КУРАЧЫЦКІ Станіслаў Вікенцевіч

[1907, в. Белагурна Слонімскага пав. Гродзенскай губ., цяпер Дзятлаўскі р-н Гродзенскай вобл. – ?]. З сялянскай сям’і. Атрымаў сярэднюю адукацыю. Працаваў дырэктарам пачатковай школы ў в. Сімакава Карэліцкага р-на Гродзенскай вобл. Быў жанаты, меў дзіця. Падчас 2-й сусветнай вайны заставаўся на акупаванай тэрыторыі. Арыштаваны 14.12.1944 як “нямецкі памагаты”. Асуджаны не быў. Вызвалены і рэабілітаваны ў перыяд 26.6–11.9.1946. Далейшы лёс невядомы. Асабовая справа К. № п-1382 захоўваецца ў архіве УКДБ Гродзенскай вобл.