КАРПОВІЧ Макар Іванавіч

[16.3.1884, в. Трашчычы Навагрудскага пав. Мінскай губ., цяпер Карэліцкі р-н Гродзенскай вобл. – 25.2.1938, Мінск, турма НКВД]. З сялянскай сям’і. Атрымаў сярэднюю адукацыю. Працаваў настаўнікам няпоўнай СШ в. Скрыль Пухавіцкага р-на Мінскай вобл. Быў жанаты, меў двое дзяцей. Арыштаваны 24.12.1937. Асуджаны 21.1.1938 паводле пастановы калегіі НКВД як “агент польскай разведкі” да ВМП. Расстраляны. Рэабілітаваны трыбуналам БВА 29.4.1958. Групавая справа К. і інш. № 11709-с захоўваецца ў архіве КДБ Беларусі.