ЖУКОЎСКІ Барыс Фёдаравіч

[1888, в. Сцёхава Магілёўскага пав., цяпер Бялыніцкі р-н Магілёўскай вобл. – 10.11.1937, Орша, турма НКВД]. З сялянскай сям’і. Меў незакончаную вышэйшую адукацыю. Працаваў загадчыкам вучэбнай часткі няпоўнай СШ в. Расна Сенненскага р-на Віцебскай вобл. Арыштаваны 8.10.1937. Асуджаны тройкай НКВД 26.10.1937 як “член контррэвалюцыйнай шпіёнскай арганізацыі” і за “антысавецкую агітацыю” да ВМП. Расстраляны. Рэабілітаваны трыбуналам БВА 4.6.1965. Асабовая справа Ж. № 13144-п захоўваецца ў архіве УКДБ Віцебскай вобл.