ГРЫГОР’ЕЎ Іван (Іаан) Кліменцевіч

[1878, в. Слюнькоўшчына Мсціслаўскага пав. Магілёўскай губ., цяпер Мсціслаўскі р-н Магілёўскай вобл. - ?]. Беларус. З сялянскай сям'і. Скончыў Магілёўскую духоўную семінарыю. У 1910-я г. настаяцель Мікалаеўскага храма ў Чавусах, назіральнік Інспекцыі царкоўна-прыходскіх школ Клімавіцкага пав. Магілёўскай губ. У 1930-я г. працаваў настаўнікам у Мсціслаўі. Арыштаваны 8.2.1938. Абвінавачваўся ў "контррэвалюцыйнай дзейнасці". Вызвалены і рэабілітаваны Мінскім абл. судом 23.3.1939. Далейшы лёс невядомы. Групавая справа Г. і інш. № 6099 захоўваецца ў архіве УКДБ Магілёўскай вобл. Кр.: Памятная книжка Могилевской губернии; БНДЦЭД.