ГРУК Яфім Афанасевіч

[1895, в. Селішча Барысаўскага пав. Мінскай губ., цяпер Барысаўскі р-н Мінскай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам школы в. Унтальянка Барысаўскага р-на. Быў жанаты, гадаваў двое дзяцей. Арыштаваны 23.3.1933. Асуджаны 10.5.1933 паводле пастановы калегіі АДПУ за “антысавецкую агітацыю” і як “член контррэвалюцыйнай арганізацыі” да 3 гадоў пазбаўлення волі. Далейшы лёс невядомы. Рэабілітаваны пракуратурай Мінскай вобл. 26.4.1989. Групавая справа Г. і інш. (усяго каля 15 чалавек) № 22819-с захоўваецца ў архіве КДБ Беларусі.