ВЯРСОЦКІ Іван Васілевіч

[1892, урочышча Ліпавецкі Вугал (?) Мінскай губ. – ?]. З бел. сям’і. Атрымаў сярэднюю адукацыю. Падчас арышту настаўнік фізкультуры адной з мінскіх школаў. Быў жанаты, меў двое дзяцей. Арыштаваны 19.11.1928 у Мінску па адрасе: вул. Савецкая, д. 127/15, кв. 1. Асуджаны 25.1.1929 калегіяй АДПУ за “сувязь з польскімі шпіёнамі” да 10 гадоў ППЛ. Далейшы лёс невядомы. Рэабілітаваны 24.6.1992 пракуратурай БВА. Групавая справа В. і інш. № 34245-с з фотаздымкамі захоўваецца ў архіве КДБ Беларусі.