БРЖАЗОЎСКІ Мікалай Мітрафанавіч

[1886, в. Машчыцы Слуцкага пав. Мінскай губ., цяпер Слуцкі р-н Мінскай вобл. – ?, ГУЛАГ], педагог, службовец (?), брат Івана Бржазоўскага. Атрымаў вышэйшую адукацыю. Арыштаваны 7.2.1930. Этапаваны ў Салавецкі, затым у Беламорска-Балтыйскі лагеры НКВД Мядзведжагорскага р-на Карэла-Фінскай АССР. 20.11.1937 узяты пад варту і асуджаны тройкай НКВД за “антысавецкую прапаганду” да ВМП. Расстраляны на ст. Мядзведжая Гара (Сандармох). Дата смерці невядома. Рэабілітаваны пракурорам Карэліі 29.1.1993.