АСТРАВУХ Васіль Паўлавіч

[1895, в. Кухцічы Ігуменскага пав. Мінскай губ., цяпер Уздзенскі р-н Мінскай вобл. – 15.9.1921, ЧК]. З сялянскай сям’і. Атрымаў сярэднюю адукацыю. Працаваў настаўнікам у мяст. Узда (цяпер райцэнтр Мінскай вобл.). Быў жанаты, гадаваў двое дзяцей. Арыштаваны ў 1921 у в. Кухцічы. Асуджаны 15.9.1921 за “ўцёкі з арміі ў Польшчу” да ВМП. Расстраляны. Рэабілітаваны пракуратурай БВА 17.9.1992. Асабовая справа А. № 34764-с захоўваецца ў архіве КДБ Беларусі.