АСТАПАЎ Міхаіл Аляксеевіч

[1918, в. Гарывец Сенненскага пав. Віцебскай губ., цяпер Сенненскі р-н Віцебскай вобл. – ?]. З сялянскай сям’і. Меў незакончаную вышэйшую адукацыю. Працаваў настаўнікам няпоўнай СШ в. Вішкавічы Чашніцкага р-на Віцебскай вобл. Арыштаваны 21.11.1951. Асуджаны 8.2.1952 за “антысавецкую агітацыю” да 10 гадоў ППЛ і 5 гадоў пазбаўлення правоў. Вызвалены і рэабілітаваны 14.7.1954. Далейшы лёс невядомы. Асабовая справа А. захоўваецца ў Дзяржаўным архіве Віцебскай вобл. (ф. 2926, воп. 3, с. 235).