АЛЯХНОВІЧ Марыя Аляксандраўна

[18.1.1908, Вільня, цяпер Вільнюс, Літва – ?]. З сям’і службоўца. Атрымала вышэйшую адукацыю. Працавала настаўніцай няпоўнай СШ ў Шчучыне, цяпер Гродзенскай вобл. Арыштавана 10.4.1940. Асуджана асобай нарадай пры НКВД 27.7.1940 за “нелегальны пераход дзяржаўнай мяжы” да 3 гадоў ППЛ. Этапавана ў Мардоўскую АССР (верагодна, у Цемнікоўскі лагер НКВД). Вызвалена 1.9.1941 як польская грамадзянка. Далейшы лёс невядомы. Рэабілітавана Гродзенскай абл. пракуратурай 30.10.1992. Асабовая справа А. № п-15554 з фотаздымкам захоўваецца ў архіве УКДБ Гродзенскай вобл.